27. februar 2023
Limir í Magistarafelagnum kunnu nú tekna seg til Tanntrygd hjá Trygd. Tanntrygd er ein trygging, sum tryggjar tínar tenn, og tú kanst fáa upp til 80% av útreiðslum til ávísar tannlæknaviðgerðir afturgoldnar.
Kostnaðurin er 950 kr./lim árliga, og ynskja limir at tryggja maka ella børn (í aldrinum 18-24 ár) er kostnaðurin 1200 kr./samtryggjaða árliga.
Her sært tú, hvat tryggingin dekkar.
Soleiðis ert tú fevnd/ur (galdandi frá januar 2025)
Tilmeldingin er opin tvær ferðir um árið; í januar og juli. Hevur tú teknað teg og goldið 950 kr innan tann 10. januar, ert tú fevnd/ur av tryggingini frá 1. januar. Hevur tú hinvegin teknað teg (og goldið 475 kr fyri seinnu árshálvu) millum 11. januar og 10. juli, ert tú fevnd/ur av tryggingini frá 1. juli. Hareftir fellur árliga gjaldið upp á 950 kr. í januar.
Tryggingin dekkar ikki gjald av rokningum fyri viðgerðir framdar, áðrenn tú ert fevnd/ur av tryggingini, ella um ein avtala um viðgerð er staðfest/løgd til rættis, áðrenn tilmelding/gildiskomu.
Tú ert ikki fevnd/ur av tryggingini, fyrr enn tryggingargjaldið er goldið.
Soleiðis rindar tú:
Árliga gjaldið fyri limir skal flytast á kontu hjá Magistarafelagnum - kontunummar 9181-5785962.
Ynskja tit at tryggja maka ella børn (í aldrinum 18-24), skal gjaldið avgreiðast við Trygd. Trygd setir seg í samband við tykkum um hetta, tá tit hava teknað samtryggjaða í tilmeldingarskjalinum.
Tekna teg her:
⇨ Tilmeldingarskjal fyri Limir í Magistarafelagnum
⇨ Tilmeldingarskjal fyri samtryggjað
Ein loysn frá Sendistovuni