Sum limunum kunnugt, hevur nevndin í Magistarafelagnum síðani ársskiftið arbeitt ítøkiliga saman við 3 øðrum feløgum (Verkfrøðingafelagnum, Arkitektafelagnum og Byggifrøðingafelagnum) um at fyrireika stovnan av einum yvirskipaðum felagsskapi (eini “paraplyorganisasjón”) at røkja okkara fakfelagsáhugamál; sí nærri í hjálagda faldara um Akademikarafelag Føroya (AKF) undir stovnan.
Nevndin í Magistarafelag Føroya er samd um, at stovnanin og limaskapurin í Akademikarafelag Føroya (AKF) hevur so stóran týdning fyri felagið, at avgerðin eigur at verða endaliga staðfest við eini samtykt á eykaaðalfundi.
Við hesum verður, sbrt. § 4 í viðtøkum felagsins, boðað til eykaaðalfundar á Føroya Læraraskúla tann 25. oktober 2008 kl. 18. Fundurin verður í eini av skúlastovunum, nærri lýst á staðnum.
Skrá:
1. Uppskot til samtyktar um stovnan og limaskap í Akademikarafelag Føroya (AKF)
2. Ymiskt: – Tilnevning av 1 nevndarlimi og 1 varalimi til nevndina í Akademikarafelag Føroya (AKF).
Nevndin.
Ein loysn frá Sendistovuni